HOSPITALI YA HALMASHAURI YA MJI HANDENI IMETOA ELIMU YA KUJINGA KWA MAGONJWA YA KUAMBUKIZA KWA WAFANYAKAZI WA BOMBA LA MAFUTA WILAYA YA HANDENI EACOP

Posted on: March 21st, 2025

 Hospitali ya Halmashauri ya Mji Handeni imeendelea kutoa elimu ya afya kwa wafanyakazi wa kambi ya Misima – Mradi wa EACOP Awamu ya Pili leo Ijumaa, tarehe 21 Machi 2025. Mpango huu unalenga kuhakikisha wafanyakazi wa mradi wanapata uelewa sahihi wa masuala ya afya, ikiwa ni pamoja na magonjwa ya kuambukiza, usalama wa kazini, na mbinu za kuboresha afya kwa ujumla.

Elimu hii ni sehemu ya juhudi za kuboresha ustawi wa wafanyakazi na kuimarisha ushirikiano kati ya sekta ya afya na mradi wa bomba la mafuta la Afrika Mashariki (EACOP). 

Timu ya wataalamu wa afya kutoka Hospitali ya Halmashauri ya Mji Handeni iliongoza mafunzo haya kwa kuzingatia changamoto za kiafya zinazoweza kujitokeza katika maeneo ya kazi.