Wananchi wajitokeza kwa wingi kusaidia Ujenzi wa Vyumba vya Madarasa

Posted on: December 29th, 2018

Katika jitihada za kukabiliana na uhaba wa vyumba vya Madarasa katika Halmashauri ya Mji handeni juhudi mbalimbali zinaendelea kufanyika  ili kutatua changamoto hiyo..

Ofisi ya Mkurugenzi kwa kushirikiana na Wananchi wa Kata ya Chanika leo tarehe 29/12/2018 imeongoza "msalagambo" wa kuchimba msingi wa ujenzi wa vyumba vinne (4) vya Madarasa katika Shule ya Sekondari Kivesa ambapo kwa umoja wao zoezi hilo limefanyika kwa mafanikio makubwa.

Katika zoezi hilo Wananchi wa Kata ya Chanika wameongozwa na Diwani wa Kata hiyo Mhe.Chihumpu na kwa upande wa Ofisi ya Mkurugenzi watumishi wameongozwa na kaimu Mkurugenzi Bw.Thomas mzinga

Wananchi waliojitokeza kwenye zoezi la kuchimba msingi wa ujenzi wa vyumba vya madarasa katika Shule ya Sekondari Kivesa wakiendelea kuwajibika hapo juu kwenye picha

Halmashauri imejipanga kuhakikisha watoto wote waliofaulu darasa la saba wanajiunga na kidato cha kwanza kuanzia mwaka wa masomo 2019. Mbali na zoezi la leo la kuchimba msingi vile vile Halmashauri inaendelea na zoezi la  kukusanya michango ya  fedha tasilimu kutoka kwa wadau mbali mbali wa Elimu.